Ju ka marrë malli për Këngën Magjike? Edhe ne, por kemi disa të reja. Teksa ka nisur numërimi mbrapsht sepse jemi vetëm pak javë para nisjes së edicionit të këtij viti sot kanë nisur të zbulohen disa copëza nga projekti gjigand. Gjejeni çfarë zbuluam? Pikërisht anëtarin e parë të jurisë. Bëhet fjalë për gazetarin e njohur Andi Vrapi.
Ka qenë Ardit Gjebrea që përmes një videoje në rrjetet sociale tregon se po bisedon me një prej anëtarëve të jurisë. Gjebrea nuk e ka zbuluar imazhin, sepse ka filmuar vetëm reflektimin e tij në xham teksa bisedon me të, por është e dukshme se bëhet fjalë për Andin.
“Sapo e mbylla edhe me një tjetër anëtar jurie për Kënga Magjike 2024. U surprizua nga propozimi, por unë e di që është zgjedhja e duhur!”, ka shkruar ai.
-Je i lumtur?
-Oh, qielli në kokë!
-Si do të jesh si anëtar jurie?
-Besoj se shumë kontravers, shumë do të më urrejnë, por shumë do të më duan.
-Ke të njohur nga anëtarët që marrin pjesë, aq sa di?
-Fatkeqësisht po.
-Si do t’i vlerësosh?
-Kjo mbetet për t’u parë pastaj.
-Nëse të mërziten çfarë do të bësh?
-So what? (Edhe çfarë?)
-Po mirë se erdhe në jurinë e Kënga Magjike 2024!
-Mirë se ju gjeta! T’ju kisha sjellë ndonjë komposto, ndonjë gjë…
Duke marrë parasysh komentet pikante dhe profilin e Andit, nuk e vëmë në dyshim se ky vit do të ketë kripë, piper dhe sheqer.
