Bebe Rexha, pretendon është kërcënuar se do të ndalohet të hipë në avionin, me të cilin do të kthehej në shtëpi dhe shkak sipas saj u bë fakti se i foli në shqip agjentit të sigurisë.
Rexha ka publikuar një video ku shfaqet duke qarë dhe tregon se është kërcënuar nga agjenti në aeroportin e Mynihut, të cilit iu drejtua në gjuhën shqipe sepse mendonte se ishte shqiptar.
“E pyeta ku mund të marr biletën time dhe tani ai po më ndalon të fluturoj”, thotë ajo.
“Unë besoj se ky është një akt urrejtjeje ndaj meje sepse jam shqiptare. Ai nuk më lejoi t’i marr emrin. Vazhdonte të më abuzonte mendërisht për të më bërë të ndihem se ishte më i fuqishëm se sa ishte në të vërtetë. Asnjë nga gratë në Lufthansa nuk ndërhyri. Ai nuk më dha emrin e tij, por sapo zbulova se punon për ATSG, një kompani shërbimesh për kontrollin e dokumenteve, i punësuar nga Lufthansa”, shkruan Rexha.
