Cristiano Ronaldo ka marrë një kthesë të re në karrierën e tij dhe ka debutuar në YouTube, ku ka krijuar kanalin e tij: UR Cristiano. Atleti elitar ka publikuar një video të parë në të cilën shihet me partneren e tij, Georgina Rodriguez.
Videoja tashmë është bërë numri 1 në trend në platformë. Më shumë se 20 milionë njerëz kanë parë me kureshtje marrëdhënien e të dashuruarve, të cilët kanë përgatitur një kuiz argëtues për të parë se sa mirë e njohin njëri-tjetrin.
Pyetja e parë sfiduese ishte për këngën e preferuar të njëri-tjetrit, të cilës asnjëri prej tyre nuk arriti t’i përgjigjej me sukses. “Çfarë fatkeqësie,” tha CR7, duke qeshur.
Ish-lojtari i Real Madridit besoi se do ta gjente pyetjen e radhës me një saktësi 100% dhe u përgjigj se ishte takuar me partneres e tij më 5 qershor 2016. Rodriguez e korrigjoi dhe tha se ata u panë për herë të parë në “verën e 2016”.
Menjëherë pas kësaj, Ronaldo e gjeti se tema e preferuar e bisedës së Georgina-s është mëmësia dhe, rrjedhimisht, fëmijët e saj, ndërsa Georgina gaboi duke menduar se ngjyrat e preferuara të futbollistit ishin e kuqja dhe jeshile.
Ndonëse kanë bërë shumë gabime, çifti e kanë trajtuar kuizin me qëndrim pozitiv dhe të dy kanë kaluar shumë mirë. “Kjo vajzë nuk më njeh mua”, tha futbollisti me shaka, duke mos e mbajtur dot të qeshurën.