Justin Bieber: Hiqni fotot e mia nudo nga interneti

Rreth një javë më parë një paparac i shkathët arriti të fotografonte këngëtarin Justin Bieber që po pushonte në Bora Bora, krejtësisht lakuriq. Kuptohet që pozat nudo të yllit të muzikës bënë bujë të madhe. Ato janë shpërndarë me shpejtësi në agjencitë e lajmeve dhe rrjetet sociale. Kjo e ka shqetësuar këngëtarin. Mësohet se Justin Bieber dhe ekipi i tij janë duke dërguar disa mesazhe të fuqishme të gjitha agjencive duke kërkuar heqjen e këtyre fotove. Sipas ekipit të Bieber, këngëtari nuk ishte në dijeni se po fotografohej dhe kjo po dëmton privatësinë e tij. TMZ e ka konfirmuar se ekipi ligjor i Bieber i ka dërguar letra të shumta operatorëve të lajmeve që publikuan fotografitë, duke i thënë që t’i heqin ato. Raportohet se ekipi i tij do të ngrejë padi nëse portalet nuk i largojnë ato sa më shpejtë të jetë e mundur.