Luiz Ejlli dënohet me 1 vit burg!

Luiz Ejlli është dënuar me një vit burg për falsifikim të dokumenteve me qëllim justifikimin e burimit të paligjshëm të pasurive. Ai akuzohet se gjatë ushtrimit të profesionit të noterit, ka manipuluar dokumente për të mbuluar origjinën e pasurive të fituara nga veprimtaria kriminale e një individi tjetër me inicialet F.A.
Gjykata e Fierit e ka dënuar Ejllin me një vit burgim, pasi e shpalli fajtor për falsifikim dokumentesh. Sipas vendimit të gjykatës, ish-banori dhe fituesi i Big Brother Vip ka përdorur vulën e noterit për të lëshuar një deklaratë, megjithëse licenca e tij për të ushtruar këtë aktivitet ishte tërhequr. Hetimet për këtë çështje filluan në vitin 2022, ku përveç Ejllit, ishte i akuzuar edhe individi tjetër me inicialet F.A.