Mesa duket përplasjes virtuale mes dy ish-banorëve të Big Brother Vip 2, e cila nisi më shumë se 1 vit më parë, nuk i ka ardhur ende fundi.
Dea Mishel dhe Luiz Ejlli kanë ndezur sërish motorrët duke drejtuar sulme të ashpra kundër njëritjetrit të cilat kanë përfshirë thumba, ngacmime por edhe gjuhë banale.
E para që duket se e rinisi sherrin ishte pikërisht Dea Mishel e cila thumboi ish-fituesin e BBVIP pasi ky i fundit u përfol gjerësisht ditët e fundit për një dënim 1 vjeçar me burg nga Gjykata e Fierit për falsifikim dokumentash.
Dea ironizoi ngjarjen me anë të një reagimi në Instagram ku vendosi të postonte shprehjen e famshme “zgjidhe shokun më të mirë se vetja”.
Këtij thumbi nga ana e saj nuk ka shpëtuar pa iu përgjigjur vetë Ejlli i cili në Insta Story-n e tij të rradhës vendosi të hedhë një foto limonash krah të cilave shkruan: “Po ma kërkon me se sbën që t’ia këndoj në koncertin e radhës”, ndërkohë në sfond është kënga e njohur “oj Lulija jonë me limona”.
Luizi e ka fshirë thuajse menjëherë story-n e tij dhe pse ende nuk është e qartë pse dy ish-banorët ndajnë këto ndjenja armiqësie ndaj njëritjetrit kaq kohë pas përfundimit të sezonit ku ata bënë pjesë.
