Maya Henry, ish e fejuara e yllit të One Direction, Liam Payne, theu heshtjen pas vdekjes tragjike të këngëtarit.
Modelja 23-vjeçare pranoi se lajmi i vdekjes së papritur të Payne ishte tronditës edhe për të pavarësisht faktit se kohët e fundit ajo kishte ndërmarrë hapa ligjorë kundër ish të fejuarit.
Ajo pretendon se këngëtari i ndjerë e kishte parashikuar vdekjen e tij vetëm disa ditë para se të vdiste në moshën 31-vjeçare.
Maya, e cila ishte në një lidhje romantike me anëtarin e One Direction nga viti 2018 deri në vitin 2022, foli për betejat e këngëtarit me shëndetin mendor dhe abuzimin që ajo pretendon se ka pësuar prej tij.
“Pasi u ndamë, ai më dërgonte mesazhe duke më thënë nuk jam mirë. Ai gjithmonë ‘luante’ me vdekjen, duke thënë do të vdes,” tha 23-vjeçarja duke shtuar se ajo i shihte këto mesazhe vetëm si një “taktikë manipulimi” për t’u rikthyer bashkë dhe jo si një thirrje të tij për ndihmë
