Arbenita ka reaguar ndaj Feros me një postim në InstaStory, pasi ky i fundit ishte i ftuar në Big Brother VIP Kosova tha se vajza e tij Nina tashmë po qëndron me ish-partneren Arbenita Ismajli.
“E kam zgjidhur problemin. Vajza ashtu siç çdo vajzë dhe djalë tjetër do më shumë nënën se babën. Vajza qëndron me nënën e saj”, tha Fero.
Arbenita e quan hipokrizi deklaratën e Feros duke u shprehur se ai vazhdon t’i bëjë presion dhe ajo e sheh vajzën vetëm në fundjavë.
Deklarata e Arbenitës: “Çfarë hipokrizie! Sinqerisht jam lodh, unë ende jam me trauma dhe ankth duke luftu për kujdestarinë e vajzës sime, për të cilën kam punuar dhe vazhdoj të punoj për ta mirëmbajtur edhe financiarisht edhe emocionalisht, prej ditës kur mora vesh se do bëhem nanë dhe jo vetëm, edhe më përpara. E dikush që çdo sekondë më bën presion mua dhe familjes sime në çdo formë, personalisht dhe përmes institucioneve, del edhe thotë vajza i takon nënës. Kur ky e ka marr kujdestarinë dhe vajzën unë mund ta takoj vetëm për uikende (por vajza disa herë ka refuzu me qëndru me të, normalisht është e lidhur me nënën).
Doli me gënjeshtra se unë e kam rrëmbyer dhe falsifikuar dokumentet, e pa asnjë dëshmi mediat e përkrahën. Sidoqoftë, asnjëherë nuk jam shpreh, sepse e mendoj më të mirën për të voglën time, për të cilën punoj dhe kujdesem realisht e jo vetëm me fjalë. Para publikut mund të dukesh mirë, por para Zotit e dimë kush është i/e drejti/a. unë ende jam e frikësuar prej tij sepse vetëm unë e di çfarë kam përjetuar dhe shumë mirë e kanë parë edhe familjarët e tij që kanë qenë dëshmitarë dhe pa turp janë bërë bashkë kundër meje. Ti për vajzën nuk je kujdes në asnjë formë dhe vazhdon të mos kontribuosh sepse me rëndësi e ke vetëm veten. Nuk duhesh me qenë fetar për me i pa këto. Sa për fe, vij nga një familje me traditë fetare dhe të edukume. Mjaft me gënjeshtra dhe presione psikologjike, më lejo të frymoj dhe të rimarr veten e të vazhdoj jetën sepse e meritoj.”
