Regjizori legjendar i disa prej filmave më të shikuar ndër vite, si Pulp Fiction apo Kill Bill, nuk i ka dhënë kurrë asnjë qindarkë të vetme nënës së tij dhe nuk do t’i japë për një arsye të paimagjinueshme.
Quentin Tarantino me një pasuri prej rreth $120 milionë dollarësh, tha në një intervistë se nuk ka ndihmuar financiarisht nënën e tij për shkak të mbështetjes së munguar gjatë fëmijërisë.
Në podcast-in “The Moment” me Brian Koppelman, Tarantino shpjegoi se nëna e tij kurrë nuk e ka mbështetur ëndrrën e tij për t’u bërë shkrimtar. Kur ai shkruante skenarë në shkollë, ajo e qortonte dhe me ironi i thoshte: “Kjo ‘karrierë e vogël’ që po bën, është e mbaruar!”
Në atë moment, ai vendosi: “Kur të bëhem i suksesshëm, ti nuk do të shohësh asnjë qindarkë nga suksesi im. Nuk ka shtëpi për ty, as pushime, as Cadillac për mamin. Ti nuk merr asgjë.”
Edhe pse një herë e ndihmoi financiarisht, Tarantino nuk e ka ndryshuar qëndrimin e tij. Ai shpjegoi: “Ka pasoja për fjalët që përdorni me fëmijët tuaj.”
Nëna e tij, Connie Zastoupil, ka deklaruar për USA Today se është krenare për të: “Unë e mbështes dhe e dua Quentin-in dhe familjen e tij të re.”
Ajo shtoi se komentet e Tarantinos shpesh keqinterpretohen dhe nuk dëshiron të përfshihet në “marrëveshje mediatike sensacionale.”
