Modelja si dhe ish-konkurrentja e “Ferma VIP,” Gloria Meshi, e cila është në një lidhje me djalin e Valbona Selimllarit, ka folur së fundmi me shumë vlerësim për “vjehrrën” e saj të ardhshme.
Në një intervistë, Gloria tregoi se Valbona, përveç imazhit të njohur publik, është po aq e dashur dhe e mirë edhe jashtë ekranit.
“Është shumë e dashur, shumë e mirë siç e njohin të gjithë. Mendoj që pika e saj më e fortë është edukimi që i ka dhënë fëmijëve të saj. Djali i saj është shumë i edukuar, dhe gjithmonë i them se duhet të jetë falenderues për mamin që ka, sepse vlerat që ka i vijnë falë edukimit të saj,” – u shpreh Gloria.
Kur u pyet se cilën anë mban Valbona gjatë debateve të vogla mes çiftit, Gloria tha:
“Ajo mban anën e së drejtës, edhe pse ne nuk debatojmë shumë. Na zgjasin 5 minuta debatet, dhe nuk ka kohë për të mbajtur anë sepse gjithçka zgjidhet shpejt.”
