Mëngjesin e djeshëm, reperi Stresi u dorëzua në Policinë e Pejës. Policia ka qenë në kërkim të tij prej disa javësh për shkak të përleshjes famëkeqe që ndodhi po ashtu në Pejë.
Ndërkohë, Prokuroria në Pejë i caktoi reperit masën e sigurisë së paraburgimit prej 48 orësh, por vetëm pak orë më parë duket se Stresi ia ka dalë t’i “shpëtojë” sërisht izolimit.
Kjo u bë e ditur nga vetë ai me anë të një postimi në Instagram ku duket qartë se ai ndodhet në gjendje të lirë në një makinë nga e cila falenderon mbështetësit.
Mbetet për t’u parë se si do të mbyllet kjo çështje që përfshiu disa nga emrat më të njohur të muzikës shqiptare.
