Lidhja mes ish-Presidentit John F. Kennedy dhe Marilyn Monroe është dokumentuar prej kohësh, por tani Shirley MacLaine ka bërë një pretendim tronditës për marrëdhënien e Marilyn me vëllain e ish-presidentit, Bobby.
Në librin e saj të ri, “Muri i Jetës: Fotografitë dhe tregimet nga kjo jetë e mrekullueshme”, aktorja 90-vjeçare pohon se një herë e pa Presidentin e atëhershëm duke lënë dhomën e gjumit në të cilën ishte Marilyn Monroe dhe pas tij hyri i vëllai dhe mbylli derën.
“Në vitin 1962, në festën e famshme për ditëlindjen e 45-të të John F Kennedy-t në Madison Square Garden, unë dhe Jimmy Durante performuam për presidentin dhe turmën, por ajo që shumica e njerëzve kujtojnë është që Marilyn Monroe i këndoi ‘Happy Birthday’”, shkruan ajo.
Shirley vazhdon të zbulojë se të gjithë shkuan në një festë në shtëpinë e kryetarit të financave të Partisë Demokratike Arthur Krim më pas dhe në një mbishkrim për një foto bardh e zi që ka John, i njohur si Jack, në sfond, ajo shkruan: “Jack Kennedy sapo kishte dalë nga dhoma e gjumit pas meje, dhe Bobby Kennedy sapo kishte hyrë brenda. Marilyn ishte në dhomën e gjumit.”
Në një mbishkrim të mëvonshëm për një foto të saj me vëllain e vëllezërve Kennedy, Teddy-n, të realizuar në vitin 1984, ajo shkroi: “Ja ku po i tregoj Teddy Kennedy-t atë histori… dhe ai po qesh se si djemtë ia dolën gjithë kohës.
Marilyn vdiq më pak se tre muaj më vonë, më 4 gusht 1962.
