Rita Ora i ka bërë homazhe Liam Payne-it teksa prezantoi MTV Europe Music Awards (EMAs) të këtij viti në Mançester, pak javë pas vdekjes së yllit të One Direction.
Ora bashkëpunoi me Payne në këngën e tyre hit të vitit 2018, For You, dhe zëri iu drodh pasi e kujtoi atë si “një nga njerëzit më të mirë që ka njohur”.
Ajo e mbajti fjalimin e veshur me një kostum të errët në një moment prekës që ishte në kontrast me tonin optimist të pjesës tjetër të ceremonisë.
“Dua të marr një moment për të kujtuar dikë që ishte shumë, shumë i dashur për ne”, tha ajo para audiencës. Ne e humbëm atë kohët e fundit dhe ai ishte një pjesë e madhe e botës së MTV-së dhe botës time, dhe mendoj se shumë prej jush në shtëpi dhe të gjithë këtu sonte. Liam Payne ishte një nga njerëzit më të mirë që kam njohur. Ne po mendonim shumë mënyra për ta nderuar atë, por ndonjëherë mjafton vetëm të flasësh. Ai kishte zemrën më të madhe dhe ishte gjithmonë personi i parë që ofronte ndihmë në çfarëdo mënyre që mundej. Ai solli kaq shumë gëzim në çdo dhomë në të cilën hyri dhe la një gjurmë të madhe në këtë botë. Le të marrim vetëm një moment për të kujtuar mikun tonë.”, tha Rita e përlotur.
Më pas ajo prezantoi një video të shkurtër me foto të Payne dhe një pjesë të këngës së One Direction “Night Changes”.
