Pak ditë më parë, moderatorja e njohur Arbana Osmani zbuloi një pjesë të vogël të projektit që do të sjellë së shpejti në kanalin e saj në Youtube që mban emrin “Mirëmbrëma yje”.
Lajmin e ndau vetë Arbana, me anë të një video-je ku tregoheshin disa fragmente nga xhirimet e emisionit, të cilat duket se ishin bërë diku mes maleve dhe natyrës spektakolare shqiptare.
Ndërkohë, Arbana ka vendosur të ndajë një tjetër detaj për të gjithë kureshtarët. Mes të ftuarëve VIP duket se do të jetë edhe reperja, Tayna e cila ka ndarë këtë urim të ngrohtë për moderatoren:
“Mirëmbrëma yll. Dua të të uroj për fillimin e emisionit të ri, ku padiskutim do jetë një sukses tjetër i yti i madh. Faleminderit për mikpritjen, ngrohtësinë dhe respektin, diku mes maleve të bukura të Shqipërisë. Me respekt Tayna.”
