E ftuar në Dritare TV nga gazetarja Rudina Xhunga, këngëtarja Elsa Lila ka rrëfyer në një intervistë për librin e saj të parë, “Mirë se vini në Rebibbia”, disa detaje tronditëse nga koha e kaluar në burg.
Ajo zbuloi se një grua kishte tentuar ta vriste, por një vajzë shqiptare në të njëjtin burg i shpëtoi jetën duke e mbrojtur.
“Isha në 41bis dhe nuk komunikoja dot me askënd jashtë. Një klan, përmes vajzës shqiptare, më dha akses dhe mbrojtje,” tregon Elsa.
Ajo shtoi se burgjet janë një vend ku mund të ndodhë gjithçka, sidomos nga të dënuar që shpesh nuk janë në ekuilibër psiqik:
“Pata akses te disa njerëz që më dhanë kurajo dhe forcë, si vajza shqiptare dhe dy gardianet që më mbështetën. Jeta ime nuk ka qenë e thjeshtë, as jashtë dhe as brenda. Kam patur gjithmonë një jetë jashtë të zakonshmes” rrëfen Elsa.
.
