Dita Botërore e Filantropisë është një ditë e veçantë e caktuar më 15 nëntor. Qëllimi i kësaj dite është të njohë kontributin e madh të filantropisë dhe atyre njerëzve aktivë në komunitetin filantropik.
Dita ofron një mundësi për të reflektuar mbi kuptimin e dhënies dhe gjithçka që keni bërë për të tjerët.
Filantropia nuk njeh para, moshë, shtresë shoqërore. Nuk duhet të jesh i pasur, që të jesh filantrop!
Shembull i një filantropi të vërtetë është Ryan Hreljac, i cili qysh në moshën 6 vjeçare, kur dëgjoi nga mësuesi i tij se në Afrikë vdesin njerëz në mungesë të ujit, me kursimet e tij, filloi fushatën për ngritjen e fondeve dhe themeloi fondacionin. Fushata rezultoi me 1 milion dollar të mbledhura, të cilat 6 vjeçari i shfrytëzoi për financimin e 120 projekteve për hapjen e bunarëve, në shumë vende, sidomos në Afrikë.
Shembull i një filantropi të vogël në Kosovë është Fresk Sylhasi, 11 vjeçar, i cili përshkoi rrugën nga Prishtina për në Sarandë me bicikletë, për të mbledhë fonde, me të cilat bleu materiale mësimore për shkollën e Thethit në Shqipëri.
