Këngëtari i njohur Liam Payne u përcoll për në banesën e fundit në Britaninë e Madhe pasi ndërroi jetë më 16 tetor duke lënë pas një pasuri prej mbi 65 milionë eurosh.
Sipas një testamenti të përpiluar disa vite më parë, gjysma e pasurisë së tij do t’i trashëgohet djalit të tij shtatëvjeçar, Bear, i cili do të përfitojë mbi 35 milionë euro. Nuk dihet ende se kush do të trashëgojë gjysmën tjetër të pasurisë.
Payne ka vetëm një fëmijë, të cilin e mirëpriti në vitin 2017 me këngëtaren Cheryl Cole. Pas ndarjes një vit më vonë, ish-çifti ruajti marrëdhënie të mira. Këngëtari madje bleu një shtëpi prej katër milionë eurosh për Cheryl dhe djalin e tyre, duke u zhvendosur pranë tyre për të qenë më afër.
Lidhja e tyre nisi në vitin 2016, vite pasi Payne dhe Cole ishin takuar për herë të parë në “X Factor,” ku ajo ishte anëtare e jurisë dhe ai një garues adoleshent, vetëm 14 vjeç në atë kohë.
