Bes Kallaku: Hajdutë nuk janë “skifterët”, por politikanët

Bes Kallaku mbetet një nga aktorët e humorit më të njohur në Shqipëri. Personazhet që ai ka sjellë ndër vite gjithmonë janë pëlqyer dhe komentuar shumë nga fansat e tij. Një nga personazhet më të dashur mbetet dhe “Skifteri” e që Besi ka vendosur ta sjellë në një shfaqje me titull “Parajsa e Skifterëve” për të cilën ai thotë se ka ngelur i mahnitur sepse është pritur shumë mirë. “Po erdhe ta shohësh, më pas u thua dhe të tjerëve të vinë se është realisht shumë i bukur”- shprehet Besi në një intervistë për suplementin “Bluetooth”. I pyetur se pse ka zgjedhur këtë emër Besi është përgjigjur kështu: “Sepse Shqipëria vetë është Parajsa e Skiftëve”. Ai e ka shpjeguar më qartë se çka dashur të thotë. “Në Shqipëri është vjedhur, vidhet dhe do vazhdojë të vidhet. Këtu vidhet dhe i çojnë paratë jashtë, ndërsa “skifterët” vjedhin jashtë dhe i sjellin lekët këtu. Kjo është filozofia. Nëse unë jam hajdut çfarë janë politikanët, gjyqtarët, spitalet private. Nëse unë jam hajdut çfarë është Dhërmiu e Jala që ta shesin vezën sikur e ka bërë b*tha e Jennifer Lopez”- shprehet Besi. Më tej ai shton se ka marrë vetëm lavdërime nga “skifterët”, sepse sipas tij “skifteri” është një lloj heroi i ditëve të sotme.