Stilisti i njohur shqiptar, Valdrin Sahiti, ka ndarë një moment emocionues në rrjetet sociale, duke zbuluar një dhuratë të veçantë nga ylli botëror Beyoncé. Një tufë trëndafilash të bardhë dhe një mesazh mirënjohjeje shoqëronin këtë surprizë, duke shënuar një tjetër moment të rëndësishëm në karrierën e stilistit.
Në mesazhin e saj, Beyoncé ka shprehur vlerësimin për krijimet unike të Sahitit dhe për energjinë që ai sjell në punën e saj.
Ajo shkruan:
“Valdrin, faleminderit shumë që bën magjinë të ndodhë dhe krijon fustanet më të bukura! Të dërgoj gëzim dhe dashuri. Beyoncé.”
Ky gjest përforcon lidhjen profesionale mes stilistit shqiptar dhe një prej ikonave më të mëdha të muzikës ndërkombëtare.
Nga ana tjetër, Valdrini ka reaguar me fjalë të ngrohta, duke shprehur mirënjohjen dhe adhurimin e tij për këngëtaren:
“Përherë falënderues për këtë mbretëreshë të jashtëzakonshme, Beyoncé. Ti je diamanti që ndriçon udhëtimin tim, në të dyja, dhe në karrierë dhe në jetë. Të dua.”
