Efi Dhedhes, një nga ish-banoret më të njohura të “Big Brother VIP”, ka reaguar fuqishëm ndaj deklaratave të fundit të Jozit, një banor i edicionit të katërt të këtij reality show.
Përmes një postimi në Instastory, ajo ndau një mesazh të drejtpërdrejtë për ndjekësit e saj, duke dënuar sjelljet e tij dhe duke u bërë thirrje të mos tolerojnë individë me sjellje të tilla.
Në postimin e saj, Efi publikoi një foto të Jozit dhe shtoi:
“Meshkuj të tillë mbajini larg vetes dhe mbi të gjitha s’ka as falje, as tolerim.”
Reagimi i Efit vjen pas deklaratave të forta të Jozit, të cilat kanë shkaktuar reagime të shumta në publik. Gjatë një bisede me Aldon, Jozi bëri komente të ashpra ndaj këngëtares Rozana, duke e akuzuar për “stonaturë” dhe duke përdorur një gjuhë tejet fyese kundrejt saj.
Këto deklarata kanë ngritur debate të shumta në rrjetet sociale, ku shumë ndjekës e kanë kritikuar Jozin për gjuhën e tij dhe për qëndrimin ndaj Rozanës.
