Dua Lipa, këngëtarja me rrënjë shqiptare, ka arritur një tjetër moment të rëndësishëm si në jetën personale ashtu edhe në atë profesionale.
Pak ditë pasi u fejua me aktorin 34-vjeçar Callum Turner, pas një propozimi romantik gjatë periudhës së Krishtlindjeve, artistja tashmë ka hyrë në radhët e super të pasurve me një pasuri që tejkalon 100 milionë paundë!
Sipas The Sun, pasuria e saj ka njohur një rritje të ndjeshme gjatë vitit 2024, duke shtuar 12.2 milionë paundë nga fitimet e saj. Performanca në festivalin Glastonbury albumi i ri dhe koncertet e planifikuara në Wembley, që u shitën menjëherë, kanë qenë shtysat kryesore të këtij suksesi financiar.
Kompania e saj diskografike, “Radical22”, ka regjistruar një fitim prej 10.4 milionë paundësh, ndërsa divizioni i saj për turne, “Radical22Live”, ka siguruar 1.8 milionë paundë të tjerë. Vitin e kaluar, lista e pasurisë e “Sunday Times” e vendosi Duan në 90 milionë paundë, ndërsa tani ajo ka arritur në 102.2 milionë paundë.
Përveç muzikës, Dua përfiton ndjeshëm nga bashkëpunimet me markat e njohura si Yves Saint Laurent, Versace dhe Evian, duke e forcuar pozicionin e saj si një prej yjeve më të fuqishme të industrisë.
