Në zjarret më të mëdha që kanë prekur Los Angeles-in, shumë yje të famshëm kanë humbur shtëpitë e tyre luksoze. Paris Hilton pa live në televizion teksa rezidenca e saj në Malibu digjej, ndërsa aktori Billy Crystal humbi shtëpinë e tij në Pacific Palisades, ku kishte jetuar që prej vitit 1979.
Mes të evakuuarve ishin emra të njohur si Ben Afleck, Fergie, Anthony Hopkins, Adam Brody, Jamie Lee Curtis, James Woods, Mandy Moore, dhe Mark Hamill. Zjarret përfshinë 12,000 hektarë në zonat më të shtrenjta të qytetit, ku vlera mesatare e një shtëpie është 4.5 milionë dollarë.
Paris Hilton shprehu dhimbjen e saj duke thënë: “Të shohësh shtëpinë tënde të digjet live është një përvojë që askush nuk duhet ta përjetojë.”
Aktori James Woods përshkroi evakuimin si një “ferr,” ndërsa shumë të tjerë ndanë histori prekëse për humbjet e tyre.
Zjarret shkatërruan gjithashtu shkolla, restorante dhe vende të tjera të dashura për komunitetin, duke lënë një ndjenjë të thellë humbjeje. Megjithatë, të prekurit shprehën shpresën se komuniteti do të bashkohet për të rindërtuar.
