Beniada Nishani ka zbuluar se së shpejti do e shohim në televizion me një projekt të ri. Përmes një postimi në Instagram, ajo ka treguar se një nga objektivat e saj për vitin 2025 ishte të prezantonte një program të ri dhe tashmë ëndrra po bëhet realitet.
“Diçka shumë e bukur po vjen! E lumtur dhe mirënjohëse për këtë fillim të ri. Në objektivat e mia për vitin 2025 ishte dëshirë të prezantoja një program tim. Së shpejti pasditja do të ketë një shije të re. Shihemi së shpejti,” shkruan Beniada, duke lënë të kuptohet se projekti i saj i ri do të jetë një program që do të transmetohet pasditeve.
