Kader Kicaj ka reaguar për herë të parë ndaj polemikave që lidhen me Lumbardh Salihun. Në një postim në Instagram, ajo ndau detaje dhe mesazhe private, duke akuzuar Lumbardhin për manipulim dhe përfitime personale në dëm të saj.
“Prej shumë kohësh kam zgjedhur heshtjen, edhe pse vazhdimisht jam përmendur në intervista. Heshtja nuk ka qenë mungesë fjalësh, por një zgjedhje e vetëdijshme për të kursyer personin në fjalë – jo për ndonjë arsye tjetër, por për një fije respekti për të kaluarën tonë,” shkruan Kaderi.
Ajo thekson se respekti i saj nuk është kthyer mbrapsht dhe e akuzon Lumbardhin se e përdor atë për përfitime personale. “Por kur ky respekt nuk është reciprok dhe për hir të pak vëmendjes apo përpjekjeve për të shpëtuar një imazh të lëkundur, dikush zgjedh të më përdorë si mjet për manipulim, heshtja bëhet pafuqí,” vazhdon ajo.
Në mesazhet e publikuara, përfshihet një urim për ditëlindjen nga Lumbardhi, të cilin Kaderi e cilëson si tentativë për manipulim publik. “Së fundmi, më dërguan një video – një tjetër episod viktimizimi dhe gënjeshtrash të hapura. Nuk është hera e parë, por duhet të jetë hera e fundit,” thekson ajo.
Ajo kritikon ashpër sjelljen e Lumbardhit, veçanërisht duke marrë parasysh ambiciet e tij politike. “Dikush që pretendon të hyjë në politikë dhe të fitojë besimin e njerëzve, nuk mund të lejojë vetes të ndërtojë rrugën e tij mbi gënjeshtra, edhe për gjëra bazike, si një urim ditëlindjeje. Mund të më kesh gënjyer mua, por mos gënje publikun duke vazhduar të flasësh mbi emrin tim. Boll është boll!”
