Sfida që “Vëllai i Madh” u dha banorëve, ku duhej të puthnin personin pranë tyre kur në sfond vendosej këngpa “Kiss Kiss,” arriti të shndërronte edhe armiqtë në miq për disa minuta.
Kemi parë momente të pazakonta si puthjen mes Gjestit dhe Xumit, të cilët shpesh kanë debatuar ashpër brenda shtëpisë, si dhe Bernardin me Gertin, pas një debati me tone të ngritura.
Por surpriza e vërtetë ishte puthja në buzë që Egli i dhuroi Bernardit teksa të dy po qëndronin në verandë duke pirë cigare.
Nga videoja shihet se momenti ishte i papritur edhe për Bernardin, ndërsa Egli, “në nder të lojës,” e puthi lehtë në buzë pa hezituar.
Më pas, dyshja u përqafua si miq të mirë, duke kaluar një moment të këndshëm nën shoqërinë e njëri-tjetrit.
Kujtojmë që Egli tashmë ka shprehur hapur simpatinë e saj për Gjestin, ndjenja që duket se është reciproke. Sa i përket Bernardit, ai deklaroi disa netë më parë se është gay.
