Përtej karrierës së saj si këngëtare dhe kompozitore me famë botërore, Bebe Rexha ka ndarë një dëshirë të pazakontë me ndjekësit e saj.
Në një postim në Instagram, artistja shqiptare ka treguar se ëndrra e saj është të ketë një lopë në shtëpi.
“Qëllimi im në jetë është ta kem një lopë shtëpie,” ka shkruar ajo, duke e shoqëruar mesazhin me një video që ka tërhequr vëmendjen e ndjekësve.
E njohur për thjeshtësinë dhe origjinalitetin e saj, Bebe Rexha ka arritur të ndërtojë një lidhje të veçantë me publikun.
Vitin e kaluar, ajo vizitoi Kosovën dhe performoi në festivalin e njohur Sunny Hill Festival duke sjellë emocione të mëdha për fansat e saj në vendlindje.
