Sofia Vergara dhe kampioni i Formula 1, Lewis Hamilton, janë parë së bashku në një drekë në Nju Jork, duke nxitur spekulime për një marrëdhënie të mundshme.
Aktorja 52-vjeçare e “Modern Family” dhe 40-vjeçari Hamilton u ulën pranë njëri-tjetrit në një restorant, të shoqëruar nga miq të përbashkët. Sipas TMZ, Vergara mezi hëngri, pasi ishte shumë e përfshirë në bisedë me Hamilton.
Pas drekës, dyshja u fotografuan duke buzëqeshur dhe biseduar jashtë restorantit. Ata dukeshin në humor të mirë, përpara se Vergara të largohej me një makinë. Takimi i tyre, i cili thuhet se zgjati rreth dy orë, ka ngjallur kuriozitet dhe interes të madh në publik.
