Çdo disa muaj, thashethemet për një krizë në martesën e princit Harry dhe Meghan Markle rikthehen. Shumë media raportojnë se ata janë në prag të ndarjes, por deri më tani nuk ka pasur asnjë konfirmim zyrtar. Megjithatë, marrëdhënia e tyre vazhdon të jetë në qendër të vëmendjes.
Gjatë vitit 2024, Harry dhe Meghan u panë rrallë bashkë, duke nxitur aludime për probleme martesore. Pjesën e dytë të vitit e kaluan kryesisht të ndarë, duke u shfaqur në disa evente secili më vete. Por në fillim të vitit 2025, ata vendosën të hedhin poshtë këto zëra duke lajmëruar se do të jenë së bashku në shkurt në Vancouver për Invictus Games.
Megjithëse kjo i gëzoi fansat e çiftit, nuk i ndali të gjitha spekulimet. Ndërsa disa media aludojnë për një ndarje të pashmangshme, të tjerë thonë se nuk ka asnjë mundësi që Sussex-ët të divorcohen. Sipas një burimi të cituar nga Page Six ata mbeten të pandashëm.
Një burim i brendshëm ka deklaruar për Page Six: “Meghan dhe Harry e dinë që janë të lidhur me njëri-tjetrin dhe se vlera e tyre qëndron në marrëdhënien e tyre. Edhe nëse do të donin të ndaheshin, nuk do të mundnin.” Burimi shpjegon më tej: “Sinqerisht, ata janë të fiksuar pas njëri-tjetrit. Janë thjesht dy narcisistë.”
Përveç kësaj, një ndarje do të sillte pasoja të mëdha financiare, pasi shumica e kontratave të tyre tregtare janë të lidhura me njëri-tjetrin.
Ndërkohë, një tjetër thashethem po qarkullon: Meghan Markle thuhet se ka kontaktuar Penguin Random House, shtëpinë botuese që publikoi kujtimet e Harry-t në 2023, për të parë nëse ka interes për një libër mbi një divorc të mundshëm me princin.
Kjo mbetet thjesht një hipotezë, por duke pasur parasysh historinë e tyre të mëparshme me botimet dhe dokumentarët, asgjë nuk përjashtohet. Sussex-ët janë të njohur për surprizat e tyre.
A do të vazhdojnë të sfidojnë thashethemet dhe të mbeten bashkë, apo kjo është vetëm qetësia para stuhisë? Mbetet për t’u parë.
