Një influencere konservatore ka habitur ndjekësit në rrjetet sociale duke pretenduar se ka sjellë në jetë fëmijën e Elon Musk.
Ashley StClair, 31 vjeç, publikoi një deklaratë në platformën X, ku konfirmoi se ajo dhe Musk kanë një fëmijë pesë muajsh bashkë. “Pesë muaj më parë, solla në jetë një fëmijë. Elon Musk është babai,” shkruante ajo, duke shoqëruar postimin me shprehjen latine “Alea lacta est” (“Zari është hedhur”).
StClair deklaroi se nuk kishte dashur ta bënte publike këtë informacion për të mbrojtur privatësinë e fëmijës së saj, por ishte e detyruar nga interesi i mediave. “Synoj ta lejoj fëmijën tonë të rritet në një mjedis normal dhe të sigurt. Për këtë arsye, u kërkoj mediave të respektojnë privatësinë e tij,” shtoi ajo.
Nga ana e tij, Elon Musk nuk ka reaguar publikisht ndaj këtyre pretendimeve. Themeluesi i Tesla-s ka tashmë 12 fëmijë me katër gra të ndryshme, duke përfshirë fëmijët e tij me Justine Wilson, Grimes dhe Shivon Zilis. Nëse pretendimi i StClair konfirmohet, ky do të ishte fëmija i tij i 13-të.
