Aktorja e njohur e “Portokalli”-së, Cubi Metkaj, ishte e ftuar në emisionin “Shqipëria Live”, ku foli për marrëdhënien e saj me Egli Takon dhe analizoi eksperiencën e ish-banores në “Big Brother VIP”.
Duke ndarë mendimin e saj për lojën dhe raportin e Eglit me Gjestin, Metkaj tha se shoqja e saj u përfshi emocionalisht dhe nuk mundi ta menaxhonte situatën.
“E dëmtoi verbëria mendoj unë që pati ndaj Gjestit që e donte me patjetër në formën e saj,” u shpreh aktorja, duke shtuar se publiku shpesh e pa këtë si strategji loje, por sipas saj, Egli ishte vërtet e përfshirë emocionalisht. “Ajo ra vërtetë në dashuri me atë djalin dhe nuk pranoi dot faktin më pas që nuk mori të njëjtën gjë që dha. Prandaj jemi në këtë situatë.”
Gjatë intervistës, Cubi u pyet nëse Egli e keqmenaxhoi situatën apo nëse faji ishte i të dyve. “Unë mendoj që ishte gabim i të dyve,”tha ajo, duke shtuar se Egli nuk arriti të tërhiqej në kohën e duhur, edhe kur banorët e tjerë e këshilluan.
“Edhe pse asaj ju duk sikur Rozana iu kthye kundra, në fakt Rozana po përpiqej që t’i hapte sytë në shumë momente,” përfundoi Metkaj.
