Pas shumë spekulimesh, këngëtari i njohur Ne-Yo ka vendosur të dalë hapur për jetën e tij sentimentale. Ai ka prezantuar për herë të parë katër të dashurat e tij, të cilat ai i quan “piramidën” e tij të dashurisë.Në një video të postuar në Instagram, Ne-Yo shfaqet me katër vajzat që janë pjesë e jetës së tij, duke sfiduar ndjekësit me mesazhin: “Meqë bota është kaq e intriguar, mendoj se duhet t’ju njoh siç duhet me dashuritë e mia. Zonja dhe zotërinj, ju prezantoj piramidën time.”
Kush janë katër gratë në jetën e Ne-Yo?
Këngëtari ka ndarë edhe emrat e të dashurave të tij: Arielle Hill, Brionna Williams, Cristina dhe Moneii. Për secilën prej tyre, ai ka një pseudonim të veçantë: Cristina është “zemra e bukur”, Moneii “pupla e feniksit”, Brionna “vogëlushja seksi” dhe Arielle “flaka binjake”.
Në fotot e postuara, ai shihet duke kaluar kohë si individualisht me secilën prej tyre, ashtu edhe në grup. Ndërsa për marrëdhënien e tij të pazakontë, Ne-Yo shpjegoi:
“Në këtë turne, do lë njërën që të vijë për 7 ditë, pastaj kthehet në shtëpi. Më pas vjen tjetra për 7 ditë dhe më pas tjetra. Pastaj bëjmë diçka të gjithë bashkë,” tha ai gjatë një interviste për kanalin radiofonik REAL 92.3.
Cristina përshkruhet si partnerja kryesore dhe ka një llogari në Instagram të dedikuar marrëdhënies së tyre. Brionna është një nga balerinat e tij, ndërsa Moneii dhe Arielle e quajnë njëra-tjetrën “gratë” e tyre dhe menaxhojnë një profil të përbashkët në rrjetet sociale.
Ne-Yo ka shtatë fëmijë me tre gra të ndryshme. Ai ishte i martuar me Crystal Renay nga viti 2016 deri në 2023, por çifti u divorcua pas akuzave të saj për tradhti të vazhdueshme.
Pavarësisht komenteve dhe polemikave, Ne-Yo duket i qartë në vendimin e tij për të jetuar sipas rregullave të tij: “Jemi të lumtur,” përfundoi ai në postimin e tij.
