Më shumë se 20 vjet pas thashethemeve të bujshme për një lidhje të supozuar me David Beckham, Rebecca Loos ka vendosur të flasë sërish. Ish-asistentja personale e futbollistit britanik i qëndron versionit të saj, pavarësisht mohimeve të vazhdueshme nga ai dhe familja e tij.
Gjatë një interviste për emisionin “60 Minutes Australia”, Loos u shpreh se nuk ka ndryshuar qëndrim lidhur me rrëfimin e saj të dikurshëm. Ajo thotë se ka treguar gjithmonë të vërtetën dhe nuk ka devijuar nga ajo që beson se ka ndodhur.
Loos ka pohuar që lidhja mes saj dhe Beckham nisi në vitin 2003, ndërsa punonte si asistente e tij. Ajo e pati rrëfyer për herë të parë historinë në vitin 2004, kur deklaroi se kishte patur një raport katërmujor me futbollistin, i cili ishte i martuar me Victoria Beckham. “Kam pasur vetëm të vërtetën në krah”, u shpreh ajo, duke nënkuptuar se nuk ka gënjer apo ekzagjeruar me qëllim.
Nga ana e tij, David Beckham i ka quajtur “qesharake” akuzat e saj, duke i mohuar kategorikisht. Sipas rrëfimit të Loos, gjithçka ndodhi kur Victoria ishte jashtë Spanjës, dhe futbollisti e ftoi atë në një hotel ku ajo “u dorëzua”. Megjithatë, dy javë më vonë, ajo u ndje e tronditur kur pa Beckhamin të largohej nga një festë për ditëlindjen e Cristiano Ronaldos së bashku me një modele tjetër.
Sot, në moshën 47-vjeçare, Rebecca Loos ka vendosur të jetë shumë më larg vëmendjes së medias. Ajo jeton një jetë të qetë, e martuar dhe me dy fëmijë, duke u fokusuar në punën e saj si mësuese joga dhe asistente mjekësore. Pavarësisht gjithë polemikave që ka shkaktuar historia e saj, ajo mbetet e bindur për rrëfimin që ka dhënë, duke u përballur me një nga familjet më të fuqishme në botën e showbiz-it dhe sportit.
