Duket se paqja e mëngjesit nuk zgjati shumë për çiftin e sapomartuar të “Big Brother VIP 4”, Egli dhe Gjesti. Në fillim të ditës, gjithçka ishte e qetë, me Gjestin që e ngacmonte Eglin për zakonet e saj të gjumit, duke i sugjeruar se duhet të jetë më aktive në shtëpi.
Por situata mori një kthesë të papritur kur Egli vuri re se Gjesti kishte hequr unazën e martesës – një veprim që ajo nuk e priti mirë.
Përgjigjja e Gjesti ishte e qartë: “Nuk mbaj unazë unë kurrë dhe i martuar dhe me grua. Unaza plastike (si ajo roza) mbaj, po unazë martese asnjëherë. Duhet të ma njohësh tipin”, – i tha ai Eglit.
Reagimi i saj nuk vonoi, duke e quajtur veprimin e tij fyese:
“Dakord se ta kam njohur surratin, po mos me e mbajt as 24 orë më duket çudi. Je i pafytyrë. Këtë nuk e prisja,” – iu kthye Egli.
Në shenjë proteste dhe zhgënjimi, edhe ajo vendosi ta heqë unazën e saj
Ky konflikt vjen vetëm një ditë pasi ata kurorëzuan “martesën” e tyre në një ceremoni simbolike brenda shtëpisë, ku morën pjesë edhe ish-banorë si Tiri, Krisa, Loredana, Livia, Valbona, Shkëlzeni dhe Klajdi. Ceremonia u drejtua nga moderatori i njohur Ledion Liço, ndërsa Arbër Hajdari dhe Neda Balluku ishin dëshmitarët e çiftit.
