Finalja emocionuese e Big Brother VIP 4 solli jo vetëm festë dhe gëzim për fitoren e Gjestit, por edhe disa skena që nuk i shpëtuan syrit të publikut. Pas shpalljes së fituesit, skena u mbush me familjarë dhe të afërm, të cilët përqafuan me entuziazëm finalistët e tyre të preferuar. Megjithatë, jo çdo përqafim u prit njësoj.
Në një moment që u bë virale, Egli Tako – e cila zuri vendin e katërt – u afrua për të uruar dhe përqafuar familjen e Gjestit. Ajo iu drejtua me përzemërsi, por reagimi nga ana e tyre ishte i ftohtë dhe i distancuar. Mamaja e Gjestit shfaqet e ftohtë ndërsa motra e tij u mjaftua me një shtrëngim duarsh, duke shmangur çdo afrim më të ngrohtë, pavarësisht përpjekjes së Eglit.
Ky moment, që ndodhi përpara syve të publikut dhe kamerave, u komentua gjerësisht në rrjetet sociale, ku shumë fansa vunë në dukje mungesën e ngrohtësisë dhe tensionin e nënkuptuar në marrëdhënien mes tyre, duke sjellë ndër mend tensionet dhe fjalët e rënda që çifti i ka drejtuar njërjtjetrit gjatë qëndrimit në shtëpi.
