Gjesti, pas daljes nga Big Brother VIP 4, ka qenë në qendër të diskutimeve, veçanërisht për marrëdhënien e tij me Eglin. Shumë fansa aludojnë për mundësinë e një ndarjeje të shpejtë mes tyre, pas daljes së tij nga formati.
Ndërkohë, Egli ka konfirmuar vazhdimisht, sidomos pas daljes nga shtëpia se mezi pret të vazhdojë lidhjen me Gjestin. Ajo dhe miqtë e saj kanë postuar disa foto e video me të, ku ajo që tërhoqi më shumë vëmendje ishte video me mbishkrimin: “Dje, sot dhe nesër”, duke sugjeruar se marrëdhënia mes tyre është ende e fortë. Megjithatë, Gjesti është treguar më rezervuar dhe deri tani nuk ka ndarë asnjë imazh me Egli-n.
E vetmja foto që Gjesti ka postuar deri tani në Instagram është një imazh i tij me Sara Hoxhën dhe autoren e tij, Leda Hysa, duke ngjallur më shumë kuriozitet për marrëdhënien e tij me Egli-n.
Gjithashtu, kohët e fundit është folur shumë edhe për një takim të ftohtë që Egli pati me familjarët e Gjestit pas finales së madhe, duke shtuar më shumë dyshime rreth qëndrueshmërisë së lidhjes së tyre.
Mbetet për t’u parë se çfarë do të ndodhi më tej me këtë marrëdhënie dhe nëse fansat do të marrin përgjigje për pyetjet e tyre të pafundme.
