Pas përfundimit të edicionit të “Big Brother VIP Albania”, kanë nisur të qarkullojnë spekulime rreth një romance të mundshme mes Eglit dhe Mario Olldashit.
Gjatë post- BBV, Egli e mohoi këtë, duke theksuar se Mario ka qenë thjesht instruktori i kunatit të saj. Sidoqoftë, një intervistë e vjetër e saj në “E Diell” para se ajo të futej në Big Brother është bërë virale ku e pyetur rreth raportit të saj me Marion, ajo ka thënë se është një njeri shumë i afërt dhe i veçantë për të. Sidoqoftë, ata të dy nuk ndiqen më sot në rrjete sociale!
Një detaj tjetër që po qarkullon në rrjet është fakti se Egli ka fshirë të gjitha fotot e saj me Marion. Madje, foto të publikuara së fundmi ku Egli dhe Mario shfaqen në të njëjtin vend në Budapest, kanë rindezur spekulimet. Fotot janë realizuar dhe postuar në të njëjtën kohë.
Situata është tensionuar më tej kur Mario reagoi përmes Instagramit të tij, ku shkroi: “Është e diel, je ‘instruktor palestre’, jeta është e bukur”, një deklaratë që u interpretua si një thumbim ndaj Eglit, e cila më parë kishte pohuar se Mario ishte thjesht një instruktor dhe asgjë më shumë.
Në një zhvillim të fundit, të dy kanë bërë “unfollow” njëri-tjetrin në rrjete sociale, duke lënë të kuptohet se raporti i tyre është ndërprerë ose mbetur pezull.
