Besart Kelmendi, i njohur me emrin artistik Gjesti dhe fitues i edicionit të katërt të Big Brother VIP Albania, ishte së fundmi i ftuar në emisionin “Portokalli”, ku pati një moment të veçantë me aktorin Visjan Ukcenaj.
Në skenën ku Ukcenaj interpretonte rolin e “Minionit”, ai iu drejtua Gjestit me një pyetje të papritur: “Bëre gjë me Eglin tani që dole?”.
Pas një pauze të shkurtër, ai u përgjigj shkurt: “U kry…u kry çdo send! Mos më ve në siklet mor burrë”, duke shkaktuar të qeshura të mëdha në publik.
Megjithatë, pavarësisht aludimeve, Gjesti nuk dha më shumë detaje për natyrën e raportit të tyre, duke lënë të kuptohet se lidhja e tyre është ende në fazat e para dhe se nuk ka arsye për nxitim në vendosjen e etiketave.
