“Do doja që ca burra ta përjetonin”, Dafina Zeqiri ka (jo vetëm) dy fjalë për paragjykimet gjatë shtatzënisë!

Dafina Zeqiri shumë shpejt do të bëhet nënë për herë të parë.

Së fundmi ajo ka reaguar ndaj kritikave në rrjetet sociale ku e gjykojnë për trupin dhe faktin që ende punon.

“Unë me të vërtetë e përçmoj mënyrën se si disa burra, sidomos online, gjykojnë gratë, veçanërisht gratë shtatzëna, për mënyrën si ndryshojnë trupat dhe emocionet e tyre. Është e dhimbshme, por më jep fuqi të di që po sjell në jetë një djalë dhe do ta rris me respekt të thellë për gratë. Do të doja që këta burra të mund ta përjetonin dhimbjen, ndryshimet hormonale dhe gjykimin që përjetojnë gratë, vetëm për të kuptuar më mirë. Disa burra kanë vërtet nevojë të hapin sytë dhe të tregojnë më shumë respekt.”