Në një intervistë të fundit për emisionin “Ftesë në 5”, opinionisti i “Big Brother VIP Albania”, Arbër Hajdari, ka komentuar me sinqeritet eksperiencën e tij gjatë këtij edicioni. Ai ka ndarë detaje të reja lidhur me marrëdhëniet e tij me ish-banorët dhe ka folur hapur për disa polemika që kanë shoqëruar këtë edicion.
Hajdari, i cili është i njohur për komentet e tij të drejtpërdrejta, u pyet nëse mund të përmendte emrin e banorit që, sipas tij, ishte më pak inteligjent/ja në aspektin e lojës. Pa u ndalur, ai e shpjegoi mendimin e tij, duke përmendur emrin e Valbona Mhillit.
“Po të them një emër që ka qëndruar edhe goxha kohë brenda lojës. Se ka dhe të tjerë që kanë dalë më shpejt. Por, po them Valbona,” – tha Arbër Hajdari në përgjigjen e tij.
Ai vazhdoi të theksojë se kjo përgjigje i referohej vetëm asaj që ka ndodhur brenda lojës dhe se nuk ka të bëjë me asnjë gjë personale ndaj Valbonës. Sipas tij, ajo nuk e “nuhati” mirë lojën.
