Këngëtarja e dashur shqiptare, Xhensila Myrtezaj, ka publikuar disa pamje ekskluzive nga prapaskenat e videoklipit të saj më të ri në bashkëpunim me reperin e njohur Ledri Vula, për këngën “Ma Kthe”.
Në një postim në Instagram, Xhensila shfaqet e lumtur gjatë xhirimeve, e rrethuar nga ekipi i produksionit, duke ndarë me ndjekësit një atmosferë pozitive.
Ajo ka shkruar: “Po xhirojmë… po qeshim… edhe po kujtojmë pse e duam kaq shumë këtë që bëjmë. Vibes nga seti.”
Ky bashkëpunim me Ledrin ka zgjuar reagime të shumta dhe entuziazëm në rrjetet sociale, me fansat që presin me padurim lansimin e plotë të këngës “Ma Kthe”, e cila pritet të jetë një tjetër hit në repertorin e tyre.
