Në mesin e thashethemeve për një ndarje të mundshme mes çiftit të njohur Vesa Luma dhe Big Basta, një prej miqve më të afërt të reperit, Gentian Dibra, i njohur si Dj Twin, vendosi të flasë publikisht. I ftuar në emisionin “Ferma Club”, ai hodhi poshtë zërat për një divorc.
Sipas tij, Big Basta ende nuk ka treguar veten në mënyrë të plotë në reality show-n “Ferma Vip”, por kjo pritet të ndodhë shpejt.
“Është pak i rezervuar, por do shpërthejë”, deklaroi Dj Twin.
Ai u shpreh me bindje se nuk ka ndarje mes dy artistëve dhe se lajmet që po qarkullojnë janë të pavërteta.
“Është e vërtetë, aq sa unë të jem president i Amerikës në këto momente. Big Basta është një baba, bashkëshort shumë i mirë, janë lajme që i përcjellin për të fituar views”, u shpreh ai.
Ndërkohë, Meridian Ramçaj dha një tjetër perspektivë, duke sugjeruar që lajmet për ndarje ishin pjesë e një plani promovues për pjesëmarrjen e Bastës në reality-n.
“Divorci i tyre u përdor 10 ditë para fillimit të Fermës. Mendoj se ishte çështje marketingu, ata janë një çift perfekt dhe një çift për tu marrë shembull. Unë e kam lexuar para se të niste Ferma Vip se ata janë në krizë, nuk u bë një postim nga Vesa, etj. Fakti që mbrëmë Vesa ka bërë një postim gjatë spektaklit, do të thotë shumë,” tha Ramçaj.
Nga ana tjetër, Klegia Troksi theksoi se nëse kishte ndonjë strategji të tillë, ajo ka qenë e gabuar.
“Është një strategji e gabuar marketingu. U zbuluan edhe sepse suporti që mund t’i jepte Vesa nga jashtë do të ishte një plus për Big Bastën,” shtoi ajo.
Ndërsa përflitet shumë për raportin mes tyre, as Vesa Luma e as Big Basta nuk kanë reaguar drejtpërdrejt për të konfirmuar apo mohuar thashethemet, duke lënë vend për më shumë diskutime në publik dhe media.
