Duket se një nga çiftet më të përfolura të showbiz-it shqiptar po kalon një periudhë jo fort të ndritshme. Sipas burimeve për “Prive”, marrëdhënia mes reperit Buta (emri i vërtetë: Betim Januzi) dhe partneres së tij, Fjolla, është duke u përballur me sfida të forta.
Çifti, që së bashku kanë një vajzë të quajtur Irina, thuhet se janë në krizë – dhe kjo, sipas ndjekësve të vëmendshëm, është reflektuar edhe në rrjetet sociale. Të dy nuk ndjekin më njëri-tjetrin në Instagram dhe nuk kanë postuar foto bashkë prej kohësh.
“Ka një ftohje të dukshme mes tyre,” – shprehen burimet, të cilat kanë preferuar të mbeten anonime.
Kujtojmë që në shkurt të vitit 2024, Buta ndau me ndjekësit lajmin e bukur se ishte bërë baba për herë të parë. Ai kishte postuar një foto shumë të ëmbël, ku zbulonte ardhjen në jetë të Irinës.
Për sa i përket Fjollës, dihet shumë pak – përveç faktit se është nga Ferizaj dhe se i qëndron larg syrit të publikut. Ajo ka një profil privat në Instagram dhe rrallëherë është përfshirë në diskutimet mediatike.
Nëse është fundi i një historie dashurie apo thjesht një “pauzë për reflektim”, mbetet për t’u parë. Por rrjetet… po ziejnë.
