Një ngjarje shqetësuese ka ndodhur së fundmi në Himarë, ku parashutisti dhe artisti Xhonatan Islami pësoi një aksident gjatë një hedhjeje ajrore. Sipas raportimeve, Islami pati vështirësi gjatë uljes dhe u përplas në tokë, përballë shumë pushuesve të tmerruar që panë gjithçka nga afër. Ngjarja mund të kishte përfunduar në tragjedi, por fatmirësisht ai ndodhet jashtë rrezikut për jetën.
Menjëherë pas lajmit, reagimi emocional i partneres së tij, Roza Lati, erdhi përmes një postimi në Instagram, ku ajo shprehu mbështetjen dhe forcën që i qëndron pranë të dashurit të saj:
“Nuk vritet Shqiponja kollaj! Shqiponja është mbret i qiellit. S`ka më të fortë”, – shkruan Lati.
Ngjarja ndodhi në zonën e njohur si “Potam” në Himarë dhe është bërë objekt hetimi nga autoritetet. Në deklaratën zyrtare të Policisë së Shtetit thuhet:
“Specialistët për Hetimin e Krimeve në Komisariatin e Policisë Himarë referuan materiale në Prokurori, pasi ditën e djeshme, në vendin e quajtur ‘Potam’, Himarë, është dëmtuar aksidentalisht gjatë hedhjes me parashutë shtetasi Xh. I., 28 vjeç, banues në Tiranë, i cili ndodhet në spital, jashtë rrezikut për jetën.”
Për fat të mirë, gjendja shëndetësore e Islamit paraqitet e stabilizuar, dhe fansat e tij presin me shpresë rikuperimin e plotë.
