Pas përfundimit të “Big Brother VIP Kosova 3”, duket se tensionet mes ish-banorëve Drilon Rama dhe Sara Kolami nuk janë shuar ende, por përkundrazi, janë bërë më të dukshme në sytë e publikut.
Gjatë kohës së tyre në shtëpi, vërehej një kimi e fortë mes tyre që ngjalli kuriozitet dhe spekulime mes fansave. Edhe pse asnjëherë nuk u konfirmua një lidhje romantike, publiku vazhdonte t’i shihte si një çift potencial edhe pas mbarimit të spektaklit. Një postim i Drilonit në ditëlindjen e Sarës, ku e uronte me fjalët: “Gëzuar ditëlindjen o zog high class”, i shtoi edhe më shumë aludimet.
Por gjithçka ndryshoi së fundmi, kur në rrjet qarkulloi një video ku Driloni shihej duke u puthur me një vajzë tjetër. Pas kësaj, Sara bëri një veprim që nuk kaloi pa u vënë re – e hoqi Drilonin nga Instagrami, gjë që u interpretua si një shkëputje e qëllimshme.
Në përgjigje të situatës, Driloni publikoi një reagim të gjatë në rrjete sociale, ku sqaroi pozicionin e tij dhe nuk kurseu as akuzat:
“Unë me atë personin që po mundoheni të më lidhni – nuk kemi qenë bashkë. Kemi pasur respekt, jemi kuptuar mirë – edhe brenda, edhe jashtë – por kurrë nuk ka pasur asgjë më shumë, as do të ketë,” shkruan ai.
Më tej, ai theksoi:
“Nuk kemi pasur kontakt për më shumë se dy muaj, as nuk kemi shkruar asgjë. Këtë postim desha ta bëja prej kohësh, por nuk kam dashur të nxjerr askënd keq. Por ndonjëherë duhet të veprosh i pari dhe të kujdesesh për veten. Ajo video që po qarkullon është nga disa vite më parë. Ajo e ka përdorur për interesat e saj, ka vepruar siç i ka interesuar – nuk ka lidhje me mua. Unë kurrë nuk jam marrë me famë, me shfaqje, s’kam bërë zhurmë për qejfin e njerëzve. Kjo nuk është bota ime, kurrë s’ka qenë.”
Sipas Drilonit, keqkuptimet janë nxitur nga mënyra si e ka paraqitur situatën Sara:
“Si ka vendosur ta paraqesë ajo, është puna e saj. Por nuk ka pasur guxim të tregojë drejt, prandaj po e them unë tani: mes meje dhe saj kurrë nuk ka pasur asgjë – dhe nuk do të ketë. Pikë.”
Ai gjithashtu i drejtoi disa fjalë ndjekësve që vazhdojnë të ndërtojnë fantazi për lidhje që nuk ekzistojnë:
“Ju keni një film në kokë, e doni me çdo kush ta bëni realitet. E kur e shihni që nuk është ashtu, filloni me shpifje, shkruani budallallëqe nga të gjitha anët.”
