Një skenë e papritur ka tronditur publikun e reality show-t “Ferma VIP 2”, pasi tensionet mes dy konkurrenteve, Big Mama dhe Alba, kanë arritur kulmin. Çfarë nisi si një debat verbal, u shndërrua në një përplasje të egër që përfshiu fyerje të rënda dhe një veprim tejet të pahijshëm.
Në një moment të ndezur, Big Mama shpërtheu me akuza të ashpra ndaj Albës, duke e quajtur: “pise femër”, “njeri pa dinjitet”, “pa moral” dhe “idiote”.
Por situata nuk ndaloi aty. Në kulmin e nervozizmit, Big Mama përdori gjuhën serbe për ta ofenduar Albën dhe më pas pështyu – një veprim që shkaktoi reagime të forta në rrjete sociale dhe opinionin publik, me shumë ndjekës që shprehën indinjatën e tyre.
Kjo ngjarje po e bën të qartë se, përveç sfidave të zakonshme në fermë, ky edicion i “Ferma VIP 2” po sjell edhe momente të thella konflikti dhe tensioni emocional.
