Einxhel Shkira është bërë nënë për herë të dytë dhe, pas gati dy javësh nga lindja, ka vendosur të ndajë me ndjekësit emrin e të birit të saj të porsalindur. Në një postim të ndjerë në rrjetet sociale, moderatorja prezantoi emrin e veçantë që ka zgjedhur për të voglin: Kres.
Pas emrit të djalit të saj të madh, Trev, i frymëzuar nga trevat shqiptare, Einxhel ka vijuar me një tjetër zgjedhje të shkurtër dhe kuptimplotë. Në fjalët e saj, ajo ndan emocione të thella dhe një përvojë të mbushur me dashuri e përkushtim gjatë shtatzënisë dhe lindjes.
“Do e zgjidhja në secilën jetë të njëjtin fat… vetëm për të të pasur ty në krahët e mi,” shkruan ajo, duke emocionuar fansat që e kanë ndjekur në çdo hap të kësaj periudhe të bukur të jetës së saj.
Ky është momenti i parë ku Einxhel ndan publikisht emrin e foshnjës, një detaj që ndjekësit e saj e kishin pritur me padurim. E gjithë përvoja, siç e përshkruan ajo vetë, është përjetuar me shumë sakrifica, por e mbushur me dashuri dhe forcë.
