Brad Pitt ka dhënë një intervistë të rrallë ku ka folur për jetën e tij private. 61-vjeçari foli për revistën GQ në lidhje me filmin e tij të ri, ekspozimin e vazhdueshëm të jetës së tij private në publik, por edhe për divorcin nga Angelina Jolie.
Pitt u shpreh se është mësuar që jeta e tij personale të jetë në qendër të vëmendjes së publikut.
“Jeta ime personale është gjithmonë në lajme. Për 30 vjet!”, tha ai.
Kur u pyet nëse ndihej i lehtësuar që divorci i tij nga Angelina Jolie ishte finalizuar, përgjigjja e tij ishte: “Jo, nuk mendoj se ishte diçka kaq e rëndësishme. Thjesht diçka që mori fund. Ligjërisht”.
