Një ndarje mes Justin dhe Hailey Bieber mund të mos jetë vetëm një çështje zemre, por edhe një sfidë e madhe ligjore dhe financiare. Shitja e markës së njohur të kozmetikës Rhode, e themeluar nga Hailey, për një shumë marramendëse prej 1 miliard dollarësh tek kompania E.L.F. Beauty, ka ndezur alarmin mes të afërmve të saj – dhe shkak është bashkëshorti i saj, Justin Bieber.
Sipas DailyMail, çifti nuk ka nënshkruar asnjë kontratë paramartesore. Kjo do të thotë që në rast divorci, Justin mund të ketë të drejtë të kërkojë gjysmën e përfitimeve që Hailey ka marrë nga marrëveshja e shitjes së kompanisë.
Avokatja e divorcit, Stephanie Blum, sqaron:
“Çdo pasuri e krijuar gjatë martesës konsiderohet pronë e përbashkët, në mungesë të një kontrate paramartesore.”
Nëse marrëveshja do të sfidohet në gjykatë, mund të ndodhë që të ardhurat nga Rhode të ndahen në mënyrë të barabartë mes çiftit.
Një burim pranë Hailey-t thotë se rrethi i saj i ngushtë është i shqetësuar:
“Ajo është shumë e përkushtuar ndaj tij dhe e gatshme të ndihmojë. Por njerëzit pranë saj duan që të mbrojë edhe veten.”
Ndërkohë, Justin është jashtë vëmendjes së skenës prej vitesh, që kur anuloi turneun “Justice” në 2022 për shkak të sindromës Ramsay Hunt, një sëmundje që i shkaktoi paralizë të pjesshme të fytyrës. Ai thuhet se ka kaluar pjesën më të madhe të kohës në shtëpi, ndërsa Hailey ka ndërtuar një perandori të vërtetë të bukurisë.
Dikur Justin ishte ai me më shumë pasuri në çift. Tani, me një vlerësim prej 200 milionë dollarësh, ai ndodhet përballë një Hailey që është katapultuar në një nivel krejt tjetër financiar.
Ekspertët ligjorë paralajmërojnë:
“Kur nuk ka marrëveshje paramartesore, bashkëshorti me më pak të ardhura është zakonisht në avantazh në rast divorci.”
Kjo e vendos Hailey-n në një pozicion të brishtë, veçanërisht për shkak të arritjes së fundit të saj.
Dhe ndërsa në media përfliten tensione të mundshme mes tyre, mbetet për t’u parë nëse suksesi i Rhode do të përkujtohet si arritja më e madhe e Hailey-t apo si pika që tronditi martesën e saj.
