Aktorja e njohur Eliona Pitarka është bërë së fundmi nënë për herë të tretë – dhe siç ka zbuluar vetë përmes një postimi në Instagram, bebi që sapo erdhi në jetë është… një tjetër vajzë!
Krahas disa fotove të ëmbla me të porsalindurën në maternitet, Eliona ka ndarë me ndjekësit një rrëfim emocional për mënyrën se si zgjodhi ta përjetonte këtë moment të veçantë.
“I lashë një porosi mamive dhe doktorit para lindjes:
Ju lutem, kur të dalë, mos më thoni çfarë është…
Vetëm ma vendosni në kraharor. Dua ta zbuloj vetë.”
Aktorja tregon se kur fëmija i saj i tretë erdhi në jetë, ajo nuk nxitoi të shihte gjininë, por thjesht e përqafoi fort.
“Doja vetëm ta mbaja pranë zemrës, t’i merrja erën, ta ndjeja të gjallë, dhe të falenderoja Zotin që më zgjodhi mua, për herë të tretë. Për dy minuta, koha u ndal. Ishte vetëm fryma ime dhe fryma e saj.”
Dhe më pas, ajo e ngriti me duart që i dridheshin… dhe pa që ishte një vajzë.
“Një tjetër mrekulli. Një tjetër pjesë e shpirtit tim. Një tjetër arsye për të besuar se Zoti më njeh më mirë se vetja ime. Në këtë dhomë materniteti u vulos përfundimisht ajo që zemra ime e ka ditur gjithmonë: Jam një mama vajzash.”
Duke përmbyllur postimin me një notë plot dashuri dhe humor, Eliona shkruan:
“Jam mamaja që shkon në maternitet me rozën në ADN.
Universi nuk po bën më surpriza, vetëm po më konfirmon titullin:
CEO e vajzave.”
