Pas muajsh zërash e dyshimesh, Katy Perry dhe Orlando Bloom kanë vendosur të flasin hapur për marrëdhënien e tyre. Dyshja e famshme, që kanë qenë së bashku prej vitit 2016 dhe kanë një vajzë të vogël, kanë konfirmuar zyrtarisht ndarjen.
Sipas një deklarate të shpërndarë nga përfaqësuesit e tyre, çifti ka zgjedhur “të ndryshojë natyrën e marrëdhënies” dhe të përqendrohet tek rritja e vajzës së tyre, Daisy Dove, e cila është katër vjeç.
“Ata do të vazhdojnë të shfaqen bashkë si familje, pasi prioriteti i tyre i përbashkët ka qenë dhe do të mbetet rritja e vajzës me dashuri, stabilitet dhe respekt të ndërsjellë”, thuhet në deklaratë.
Këngëtarja 40-vjeçare dhe aktori 48-vjeçar u njohën për herë të parë në vitin 2016. Edhe pse u ndanë për një periudhë të shkurtër në 2017, ata u ribashkuan sërish dhe u fejuan më 14 shkurt 2019. Në vitin që pasoi, Perry zbuloi shtatzëninë përmes videoklipit “Never Worn White”. Vajza e tyre erdhi në jetë në 2020, dhe lajmi u shpërnda nga UNICEF, ku të dy janë ambasadorë të vullnetit të mirë.
Edhe pse marrëdhënia romantike ka marrë fund, burime pranë çiftit thonë se nuk përjashtohet mundësia që Perry dhe Bloom të shihen bashkë në publik, për hir të vajzës së tyre.
